NGAJI ADAT

La Bismillah itu mulai dikato
Dititahkan Nabi penghulu kito
Jadi adat jadi pusako
Supayo syerak mak nyo nyalo
Supayo adaek mak nyo nyato

Lambago itu ampat parakaro
Paratamo lambago dapo
Kaduo lambago kurung
Katigo lambago nagari
Kaampat lambago alam

Mano dikato lambago dapo
IIyo di dalam isi umah kito
Bagaimano isi rumah kito
Anak janteang suhang
Ninik mamak suhang
Depati suhang

Kelaknyo tumbouh silang salisih
Bagaimano dawahnyo
Kito dakwah dalam mufakaik
Bagaimanolah kajinyo balun baringgung
Kuaso ikang karano sisiek
Kuaso burung karano sayok

Mano ngan tinggai maknyo rendah
Mano ngan gedeang maknyo keceik
Mano ngan keceik maknyo abaih

Mano dikato lambago kurung dan nagari
Partamo depati ninik mamak
Kaduo uhang tuo cardik pandai
Ketiga alim ulamo
Kaampat hulubalang

Mano dikato lambago alam
Iyolah alam takambang jadi guru
Alam tabenteang jadi tuladan
Alam rayo jadi cuntoh

Apo dikato sko nan tigo takah
Paratamo sko depati
Kaduo sko ninik mamak
Katigo sko tangganai

Apo dikato undang yang ampat
Paratamo undang pado luhah
Kaduo undang pado nagari
Katigo undang alam nagari
Kaampat undang nan duopuluh

Mano dikato hukum nan ampat
Paratamo hukum dalam alam
Kaduo hukum la bainah
Katigo hukum lah baikrar
Kaampat hukum la basumpah

Baralih kaji kito kinai
Mano pulo kato nan ampat
Paratamo kato mandaki
Kaduo kato manurun
Katigo kato mandatea
Kaampat kato nan baliku

Mano dikato adaik nan ampat
Paratamo adaik nan diadatkan
Kaduo adat istiadat
Katigo adat kebiasaan
Kaampat adat nan basandi syarak
Syarak basandi kitabullah

Apo pulo nan dijaleang depati
Sarato ninik dengan mamak
Titien tapasang nan dititiea
Bajau nan dijaeik ngan dipakei
Jaleang tabentai ngan ditempouh
Ksaik disapleih bungkau ditateh

Jangean tajadai dalam neghoi
Padi pulauk samo satangke
Padi anok indropuro
Ngan kusauk ideak salasei
Ujoung pungko ideak batamou

Cukauk sagitou kajian kito
Lah manyerau dimuang gadeih
Badidieih bunyinyo umbak
Badebur umbak nan satai
Kiceik sudeah parago tamak
Baroih maaf ngan atai sucai


(Dikutip dari "Ngaji Adat dalam Alsikdah" oleh Iskandar Zakaria)

#ngajiadat #tradisilisan #kerinci